ప్రేమించేందుకు అహం భయపడుతుంది. ఎందుకంటే, ప్రేమలో జీవితం శిఖరాగ్రానికి చేరుకుంటుంది. అయితే, దానితోపాటు మరణం కూడా అక్కడికి చేరుకుంటుంది. ఎందుకంటే, జీవన్మరణాలు జంటగా కలిసే ప్రయాణిస్తాయి. కాబట్టి, అహం మరణించినంత మాత్రాన మీరు మరణించినట్లు కాదు. అహం మరణం మీరు ప్రేమతో జీవించేందుకు ఒక చక్కని అవకాశం. ప్రేమలో, ప్రార్థనలో, ధ్యానంలో, విశ్వాసంలో, ఇలా ఎక్కడైతే జీవితం పూర్ణత్వాన్ని పొందుతుందో అక్కడ మరణం ఉంటుంది. మరణం లేని జీవితం పూర్ణత్వాన్ని పొందలేదు.